Поранешната светска шампионка на 100 метри Тори Боуви почина на 32-годишна возраст, објавија нејзините менаџери.
„Ние сме уништени што ја споделуваме многу тажната вест дека Тори Боуви почина“, објави Icon Management на Твитер.
„Изгубивме клиент, драг пријател, ќерка и сестра. Тори беше шампионка…светилник што блескаше толку силно! Навистина сме со скршено срце и нашите молитви се со семејството и пријателите“.
Боуви освои три олимписки медали во 2016 година во Рио, злато во штафетата 4х100 метри, сребро на 100 метри зад Елејн Томпсон-Хера од Јамајка и бронза на 200 метри.
Таа потоа стана светска шампионка на 100 метри во 2017 година во Лондон, каде што победи и во штафетата 4х100 метри.
