По масакрот во Белград во кој 14-годишно монче со пиштол уби 7 ученици и обезбедувач во школото,
а рани 6 други луѓе, загрижени родители од ОУ ,,Браќа Миладиновци” во Аеродром алармираат дека ученик од ова училиште носел нож и им се заканувал на соучениците.
Во нивното писмо испратено до редакцијата на „Прес24.мк“ се вели дека реагирале до надлежните институции, но засега немало никаков одговор.
-Станува збор за ученик кој носеше нож во училиште и се закануваше на децата дека ќе ги убие. Неколку дена подоцна давеше дете.
Истиот ден на час претепа три деца, секојдневно продолжуваат тортурите. Исто така, детето нападна и наставник.
Директорката најави санкции, а првата беше присуство на часови од личност назначена од директорот, но тоа не се случи, се вели во писмото испратено до редакцијата на „Прес24.мк“.
