Група професори упатуваат загриженост за моменталните случувања околу изборот на нов ректор на УКИМ.
Според нивните кажувања, кандидатката за ректор на УКИМ проф. д-р Билјана Ангелова, во својот тим на проректори планирала да вклучи актуелен декан на една од единиците на УКИМ. Оваа вест на прв поглед воопшто не е чудна доколку не се знае дека за овој декан постои основан сомнеж дека ги прекршил овластувањата и ја злоупотребил службената положба.
Тој целосно игнорирајќи и заобиколувајќи го Наставно-научниот совет донел одлука да инвестира во објект во општина Гази Баба во кој има само една половина идеален дел, а кој во тоа време бил предмет на судски спор и без направена физичка делба. Денес постои правосилна судска пресуда од Апелационен суд со што инвестицијата на деканот станува беспредметна. На овој начин тој финансиски ги оштетил факултетот, УКИМ и државата.
Сето ова тој се обидува да го прикрие под превезот на исполнувањето на европските стандарди за студирање, а всушност е отворена една голема финансиска дупка на штета на јавното добро. Останува да видиме дали институциите на државата ќе доведат до правна разврска на случајот или и оваа афера ќе бида сокриена како една од многуте. Вакви кандидати за проректори во тимот на проф. д-р Билјана Ангелова само нанесуваат штета на нејзиниот обид да биде избрана за ректор на УКИМ.
