Комити Скопје со емотивно видео по повод роденденот на својот другар Дарко Смок кој прерано ги напушти.
„Две бои таму ти горат и капат, две шарки твои – црвена и црна.“
„Две бои таму ти горат и капат, две шарки твои – црвена и црна.“
Со стиховите на простата и строга македонска песна, изрецитирана лично од Блаже Конески, македонскиот џин од Небрегово, го одбележуваме роденденот на нашиот брат Дарко Смоковски – Смок.
Не си и никогаш нема да бидеш заборавен!
Дарко Смоковски – Смок (4.1.1999 – 20.12.2022)
Неодамна Комити објавија дека животот го загубил нивниот член Дарко Смоковски, а точната причина за cмррта не е позната на јавноста.
„Го известуваме целокупното членство, како и сите навивачи и симпатизери на клубот, дека денес животот го загуби нашиот член Дарко Смоковски – Смок.
Не постои утеха која може да ја смири болката која во овој момент сите ние ја чувствуваме. Останува сеќавањето, остануваат многуте заеднички приказни на Запад запишани, и останува твојата насмевка по која беше препознатлив. Насмевка која ниту смртта не може да ја победи!
Упатуваме сочувство до семејството и до најблиските.
Дополнително ќе ги соопштиме информациите поврзани со погребот.“, напишаа тогаш од Комити Скопје.
Во продолжение погледнете го видеото по повод неговиот роденден.
