Во поголем дел од земјава сончево со мала до умерена облачност. По одделни котлини и вдолж Повардарието ќе има појава на магла или ниска облачност, кои попладне делумно ќе се намалат.
Минималната температура ќе биде во интервал од -4 до 3, а максималната ќе достигне од 9 до 17, а во местата со магла од 5 до 7 степени.
Во Скопје во поголем дел од денот со магла, која попладне краткотрајно делумно ќе се намали. Минималната температура ќе се спушти до 0, а максималната ќе достигне 6 степени.
Продолжува периодот на стабилно и претежно тивко време со релативно високи дневни температури.
По котлините вклучувајќи ја и Скопската Котлина и понатаму ќе има појава на магла и ниска облачност со променлив интензитет, особено во ноќните и претпладневните часови, како и пониски дневни температури, велат од УХМР.
Во продолжение временската прогноза и на Славчо Поповски:
Во првата седмица од оваа нова 2023 година продолжува периодот на стабилно, суво и сончево време, повремено со мала до умеренаоблачност. Ќе биде претежно тивко а само во среда ќе дува слаб до умерен ветер од северен правец.
Особено топло ќе биде на повисоките места и на планините, додека по котлините ќе има појава на густа магла и ниска облачност, особено во ноќните, утринските и во претпладневните часови.
Температурите ќе бидат НАТПРОСЕЧНО ВИСОКИ и ќе се искачуваат во интервалот од 10 до 16 степени, додека во местата со магла и ниска облачност истите ќе бидат пониски.
Во Скопје и понатаму ќе има појава на магла и на ниска облачност, особено во ноќните, утринските и во претпладневните часови. Температурите ќе се искачуваат во интервалот од 6 до 9 степени.
Снежна идила и бел Божиќ за жал нема да имаме и оваа година, ќе имаме натпросечно високи температури на воздухот.
